Nahiz eta baserritarrak ez izan, asko dira EHNE Bizkaia bezalako nekazal sindikatu baten aldarrikapen eta ekintzez arduratzen direnak: kontsumo arduratsua, multinazionalek bultzatutako globalizazio neoliberalaren aurkako borroka, elikadura subiranotasunaren defentsa, merkataritza txiki eta biziaren aldarrikapena, lurraren defentsa, elikagai osasuntsuen ekoizpena...
EHNE Bizkaia - Laguna figurak lekua egin nahi die sindikatuan nekazaritzarekin harreman zuzenik ez dutenei, edo bai dutela baina EHNE Bizkaia-ko afiliatuak ez diren eta sindikatuaren borrokari bere harri-koskorra ekarri nahi dioten pertsona horiei. Kide formala ez izan arren, EHNEren "lagunak" sindikatuaren esperientzia eta lana parteka ditzake.
EHNE Bizkaiko-ko lagun horietako bat izan nahi baduzu, bete ezazu inprimaki txiki hau eta bidal iezaguzu. Berehala jarriko gara zurekin harremanetan.